Caroline Loves Travel 貪玩辣車車: 東京旅遊篇：3日2夜行程攻略懶人包 Tokyo Itinerary

Wednesday, 17 October 2018

東京旅遊篇：3日2夜行程攻略懶人包 Tokyo Itinerary

若果不想消耗有限的年假，唔想請假但又想放假旅行，不如揾個長周末，3日2夜快閃日本東京。不過當時間有限，當然要預先好好計劃行程，用3日2夜有限的時間食、買、玩盡東京「東京旅遊篇：3日2夜行程攻略懶人包 Tokyo Itinerary」。

星期五放工後，輕鬆回家換好衫食埋晚飯，才拖著行李到機場，坐接近零晨航班飛機直飛東京，朝早六點左右到達日本東京羽田国際空港（Haneda Airport International Terminal, HND）。

東京羽田機場出東京市區交通

由於東京羽田機場位於東京都，地理位置上離東京市區距離，比東京成田機場（Narita Airport, NRT）較近的關係，坐車出入機場都係最快、最平，就算搭的士都無咁貴，而且有7,100日圓定額的士，直達新宿（Shinjuku）還可以用信用卡俾錢，非常方便。

雖然可以可乘坐東京單軌列車 (Tokyo Monorail)空港快速線直達濱松町站，再轉乘JR線到東京市內，全程只需20分鐘；又或者京急電鐵，於品川站轉乘JR。不過這次選擇Airport Limousine 木津巴士，直達新宿（Shinjuku）西站出口，貪佢唔駛搬行李上上落落車站月台、又唔駛轉車，行李有工作人員代勞，車程約55分鐘。

東京旅遊 Day 1 行程路線（Tokyo Itinerary Day 1）

東京酒店住宿「Shinjuku Prince Hotel 新宿王子大飯店」

坐Airport Limousine 木津巴士到達東京新宿（Shinjuku）西站落車，首先拖著行李步行前往東京酒店住宿「Shinjuku Prince Hotel 新宿王子大飯店」落腳，由於酒店中午一點才可以Check-in，放低行李於酒店後，便於新宿市內閒逛，步出酒店時開始落雨，便於酒店concierge借雨傘，有趣神奇的是呢度要借雨傘，出聲就得，乜都唔駛放低（題外話：之前於香港曾試過於新鴻基地產發展商旗下商場體驗借雨傘服務，其實用雨傘時間只需要不過15分鐘，但填form登記時間要10分鐘）。

日本Family Mart飯團

先到Family Mart揾食，食個輕食早餐，好多人都話日本既Family Mart、7-Eleven既飯團好好食，我絕對認同。

東京旅遊的第一天，完全無離開過新宿（Shinjuku），這就正正是選擇住宿於東京新宿「Shinjuku Prince Hotel 新宿王子大飯店」酒店的主因，搭車時間及車錢都可以慳番，而又滿足晒食、買、玩既需要。而這次快3日2夜閃日本東京，亦已一早定好購物清單，先到新宿LAB買數據電話SIM Card，再到「Shinjuku Prince Hotel 新宿王子大飯店」酒店旁的「SEIBU SHINJUKU PePe」購物，商場內已有齊Muji無印良品、ABC-Mart、GU、島村楽器新宿PePe店、靴下屋（乜襪都有，船襪、五指襪、低筒襪、中筒襪、絲襪）。逛足4小時後，便於「Shinjuku Prince Hotel 新宿王子大飯店」Check-in，睡過午覺，charge足電，便再出發到Lumine EST揾FREDRIK PACKERS出品既backpack，以於東京必掃BEAVER日系戶外服飾店，及戶外露營專門店「L-Breath Shinjuku Shop」。