Nagoya 名古屋必吃、必食美食名物飲食篇：鮨屋とんぼ Sushiya Tonbo 寿し屋

不知不覺愛上了日本愛知県名古屋（Nagoya）既人情味及當地人既熱情，我地既旅行方式就係唔鍾意跟住旅遊書、最怕跟著同一種模式方式去旅行，旅行就係要冒險嘗試新事物，這才是旅行既意義。


因為要用盡日本鐵路 JR Pass，所以好隨意地去咗千種駅（Chikusa Station），晚餐想食壽司，喺Google Map揾到呢間評分好高、好近名古屋新栄町駅既「鮨屋とんぼ Sushiya Tonbo 寿し屋」，不設訂枱，去到已經一堆人等緊位，等位既全部日本人，留位係自助，自己於門外既牌寫低名及人數。【即睇我既YouTube影片．自駕．行山．露營．旅遊】

名古屋極有温度既人氣壽司店：鮨屋とんぼ

這晚好幸運地揾到呢間名古屋當地有温度既壽司小店「鮨屋とんぼ Sushiya Tonbo 寿し屋」，就算壽司老司傅店員唔識講英文唔識用英文溝通，並唔會把客人拒於門外，客人唔識日文，都得到同等對待和尊重，好感動。落單點壽司，係用好似籌碼般既顏色牌仔，店內牆上掛住既牌列出當日當晚提供既海鮮材料，因為唔識日文，壽司老司傅好有温度俾咗本有圖日英對照既書參考幫助落單點壽司，而坐附近既日本人亦熱心幫助。

「鮨屋とんぼ Sushiya Tonbo 寿し屋」食材新鮮有水準，跟之前喺日本東京食過3萬yen既omakase「鮨かねさか 銀座本店」覺得係屬同級，係咁落單、係咁食、係咁飲sake ，放題一樣咁食，都唔駛HK$500，絕對係日本名古屋必吃必食美食名物壽司店。而Google Map既reviews評分係可信既，另外日本版OpenRice「tabelog」都好有參考價值，資訊好充足。【即睇我既YouTube影片．自駕．行山．露營．旅遊】

鮨屋とんぼ Sushiya Tonbo 寿し屋
愛知県名古屋市中区東桜2丁目18-30（近新栄町駅）

 Remark: Sushiya (寿し屋) Tonbo (とんぼ)

About Caroline Loves Travel 貪玩辣車車

Caroline Mak 數碼營商及金融科技副總裁，兼任自由創作人：喜歡思考，更喜歡天馬行空、藝術創作、旅行、音樂、攝影  >>  貪玩辣車車 Caroline Loves Travel Facebook專頁

Caroline Mak