東京快閃（下集）：3日2夜之旅
日本「ANA全日空」服務好有水準
同一個月內，相隔兩星期，第二次再快閃東京，有之前的經驗之下，這次3日2夜玩轉東京來得更是零難度，為左在有限時間用到最盡，以往一直習慣乘坐國泰航空（Cathay Pacific）既，然而有感 CX 國泰的服務水準實在差得過份（純分享：記得上次早機飛東京，登機後曾禮貌地向空中服務員要求個枕頭，諗都無諗過換來竟受到空中小姐發悔氣話佢好忙，最係佢當然都真係無俾我枕頭，實在體驗難忘！另外上次飛澳洲墨爾本，就算是Premium Economy，雖說是優質經濟艙，空中小姐甚至可以missed out咗派餐俾我，就係咁推過咗架派餐車，最後需要按燈要求番至有飯食，暈！）。所以這次再飛東京首次選乘日本「ANA全日空」航班，而且還要是零晨 00:40am 航班，完全可以放工後，返屋企食埋個晚飯沖埋個涼才拖住行李去機場。零晨航班關係，一登上飛機就經可以訓著，日本「ANA全日空」服務好有水準，空中服務員有禮貌服務態度絕對合格，接近4小時航程，有snack又供應飲品，而日式飛機餐好好食，更有sake日本酒大無限量供應，航班朝早05:30am天都未光，抵達東京羽田國際機場（Tokyo Haneda International Airport），遇上 Coronavirus新型冠狀病毒肺炎疫情，全程所有人包括空中服務員都戴著口罩。
新宿歌舞伎町Hotel Gracery Shinjuku 恐龍酒店
由東京羽田機場有經驗地坐鐵路火車經品川（Shinagawa）前往新宿，車費只需500円，這次住宿的是新宿歌舞伎町Hotel Gracery Shinjuku（ホテルグレイスリ新宿）恐龍酒店，於酒店放下行李，由於時間太早關係，只是朝早六點，而於下午2點前係未有得check-in。步出酒店，這次兩星期後再來東京，天氣實在凍咗很多，步行到代々木駅（Yoyogi），便乘坐JR山手線先前往渋谷（Shibuya），朝早7點坐JR山手線，正正是東京上班繁忙時間，第一架JR列車人太多迫唔到上車，接著第二班JR列車來到也是被其他日本人有技巧地被迫上車既，佢地所用的特別技巧令你係無法告佢非禮既，又一人生新體驗。渋谷スクランブル交差点打卡
由於朝早東京渋谷（Shibuya）很多店都未有開門，於渋谷スクランブル交差点（Shibuya Crossing）拍完片影相打卡，便到Starbucks Shibuya Tsutaya（スターバックスコーヒー）坐低嘆杯咖啡，欣賞眼前東京渋谷交差過馬路畫面之餘，順便take a nap，快速沖電後，便出發去購物。LABI買日本電話數據咭
由於上機前忘記了於機場領取於Klook手機程式預訂好的Docomo日本電話數據咭（幸好Klook很快即日便安排退款），所以需要於東京渋谷Yamada Denki LABI（ヤマダ電機 LABI）買番張本電話數據咭（data sim card），由於收到朋友要求既特別任務要搜購口罩，眼見渋谷的藥妝店都給中國人在搶購口罩，唯有到渋谷驚安の殿堂（Mega Don Quijote，MEGAドン・キホーテ）嘗試搜尋揾口罩，由於未體會到因Coronavirus新型冠狀病毒肺炎疫情社會對口罩瘋狂程度，當時在東京只買入夠兩星期用量的口罩。之後因為實在好肚餓，加上體温下降情況下，就到「嵯峨谷渋谷道玄坂店（Sagatani Shibuya Dogenzaka）」食碗熱Soba。
表参道 Omotesando Tiffany & Co. Cafe 唔買都值得睇下
接著，行入渋谷東急百貨（東急フードショ）地庫內的「十勝あんこのサザエ」食至愛的鯛魚燒 taiyaki，望見超市內的日本士多啤梨流口水，又買了包打算晚上於酒店可以食。之後遊走渋谷商店，一直走向神宮前方向，一直走到表参道（Omotesando），Tiffany & Co. Cafe好有趣，唔買都值得睇下，然後於「CHOP COFFEE CAT STREET」坐下飲杯咖啡休息。再走入GYRE（ジャイル），不只是MoMA Design Store（ＭｏＭＡデザインストア）所在地，這裹同樣有COMME des GARCONS店售賣COMME des GARCONS Play貨品，位於GYRE內的四樓，不過沒有太多COMME des GARCONS Play貨品選擇。GYRE（ジャイル）地庫的傢品店都很有趣，值得一逛。再去Tokyo Plaza 鏡鏡牆影相打卡，又再去原宿Line Friends Store Harajuku睇睇，不過都係買唔到東西。沿原宿竹下通り（Takeshita Street）步行往原宿駅（Harajuku）坐JR山手線返回新宿（Shinjuku），終於可以check-in 新宿歌舞伎町Hotel Gracery Shinjuku 恐龍酒店，可以沖涼休息一下。COMME des GARCONS Play 中毒
休息過後離開酒店，晚飯前，先到新宿伊勢丹 Isetan 內的COMME des GARCONS，幫朋友買COMME des GARCONS Play 包包，不過最後自己都買了COMME des GARCONS Play 都有一段時間無出品既Polo Shirt，每次路過COMME des GARCONS Play，都要入內望望，大多數機會都會買到野，應該經已COMME des GARCONS Play中毒很深。新宿伊勢丹Isetan「魯山」壽司
晚餐終於如願於新宿伊勢丹Isetan本館7階內的「魯山」食壽司，每次來到日本最想食的都是手握壽司，而燗酒更是必點的，特別是日本冬天的時候，日本把日本清酒加熱，温度都掌握得好好，酒溫大約42-45度溫熱的清酒「Kan-zake」，飲完燗酒，成個人都暖晒，唔再怕凍，就類似歐洲聖誕節時份興飲的Mulled Wine。晚飯食飽後，襯店舖還未關門，繼續爭取時間shopping，Big Camera、Muji、UNIQLO、藥妝店買化妝品及藥物，再去埋Family Mart買點零食食物飲品，便返回新宿歌舞伎町Hotel Gracery Shinjuku 恐龍酒店休息。東京「L-Breath エルブレス 新宿店」山系衣服用品專門店
經過上次 2日1夜玩轉東京 快閃日本經驗後，有感每次臨離開東京的最後一天都要好趕地從酒店先取回寄存既行李才趕往機場，所以這次3日2夜日本東京快閃之旅既第二朝早自然醒的時間經已接近要於酒店check-out時間，拖埋行李離開Hotel Gracery Shinjuku 恐龍酒店，路經新宿車站，見到新宿車站投幣式自動行李寄存櫃 Locker，但沒有把行李寄存於新宿，由於這日打算在六本木（Roppongi）和 Tokyo Midtown（東京ミッドタウン）將會停留較長時間，加上以為六本木地圖距離東京羽田國際機場較近（之後發現這個諗法算係Yes and No，睇埋呢篇文章到最尾，就會知點解？！）繼續拉著行李，先到「L-Breath エルブレス 新宿店」揾山系行山登山衣服，收獲豐富。
接著於新宿食埋件鯛魚燒 taiyaki，才拉著行李，由新宿車站，經原宿明治神宮前車站轉車前往Google Map所指示最近六本木 Tokyo Midtown（東京ミッドタウン） 既乃木坂駅（Nogizaka）車站。
東京車站大多有扶手電梯或升降機
現時既東京車站好多經已建有自動扶手電梯（Escalator）又或者有升降機（Elevator），就算拖著行李都好方便，如果無自動扶手電梯既車站，升降機（Elevator）的位置通常人流最多的地方或集中在某一出入口，至少唔駛抬行李上落樓梯。東京車站投幣式自動行李寄存櫃 Locker
由乃木坂駅（Nogizaka）車站，需先拉著行李到六本木車站揾投幣式自動行李寄存櫃 Locker，首先於車站閘口揾到既行李寄存櫃 Locker 不過尺寸大小只能放手提行李，用手機Google Translate幫手問車站職員，原來夠大於行李的投幣式自動行李寄存櫃 Locker要在Roppongi Hills（六本木ヒルズ）位置。東京車站行李寄存櫃 Locker 唔難使用，操作有英文指示，㨂好行李寄存櫃箱，放入行李，依所使用寄存櫃箱號碼付費，可以用支鈔票、硬幣等現金支付，部分支援使用Suica 付款，付費完成，行李寄存櫃便會自動鎖上，記得要提取及袋好密碼票，因為取回行李時，一定要有這密碼才能開鎖開箱。日本行李寄存櫃，都以「1日」單位計算，即直至當日結束為止，並不是指寄存開始後的24小時，若要寄存行李超過1日，只要支付超時費便可以解鎖。
六本木Roppongi MINI Cooper 專門店
放低行李後，可以正式逛六本木（Roppongi），先去Roppongi Hills（六本木ヒルズ）的 MINI Cooper 專門店，想睇睇有冇 Mini Cooper 原廠配件，未入去六本木MINI Cooper 專門店，就俾放喺門口非常吸睛既60周年版MINI Cooper 吸引住，之前見過既MINI 60 Years Edition係好奇怪的綠色，灰色既60周年版MINI Cooper好少見。六本木 MINI Cooper 專門店，店內還有Mini 5 Door 及 Mini Convertible，問准店員當然狂影車相滿足吓。六本木「蕎麦六本 Soba Roppon」蕎麦麵
接著前往六本木Tokyo Midtown（東京ミッドタウン），由於行程計劃會去Sake Tasting，下午這2點多，加上未有正式食早餐午餐，所以到「蕎麦六本 Soba Roppon」食蕎麦麵，加燗酒（熱清酒）。食飽隨意附近走走，發現「蕎麦六本 Soba Roppon」對面的寵物店內的狗仔好得意，就忍唔住入去睇下，日本寵物店的狗仔都好日本本土才見到細版迷李狗仔，好似都縮咗水咁。這次來到日本正是受 Coronavirus 新型冠狀病毒肺炎疫情影响時期，朋友圈都要求幫手於日本買口罩，所以每次經過便利店（Family Mart, Lawson, 7-Eleven）、藥房、藥妝店，都會入去巡鋪，不過全部原本放口罩的貨架都係乜都無晒口罩既。
到達六本木Tokyo Midtown（東京ミッドタウン），發現原來呢度都有「COMME des GARCONS Play」專門店，而且店員有來自中國的，最後當然又買到o野啦！
六本木Tokyo Midtown冬日限定戶外溜冰場
於六本木Tokyo Midtown四圍行，發現呢度有個冬日限定戶外溜冰場，好有New Yory City氣氛。另外呢個六本木Tokyo Midtown商場某位置係Pet Friendly，可以俾當地人由停車場帶同寵物的特別通道，Tokyo Midtown（東京ミッドタウン）內裹有間高級寵物店，寵物可以享受Grooming及Salon服務，又神奇又搞笑。
「福光屋日本清酒店」Sake Tasting
接著按行程計劃，到朋友推介的位於六本木Tokyo Midtown（東京ミッドタウン）內的「福光屋（東京ミッドタウン店）日本清酒 SAKE SHOP」，嘗試日本清酒品酒 Sake Tasting，日本有Sake Bar，亦有好多地方提供日本清酒品酒 Sake Tasting，一般都可能係位於樓上鋪或者小街的日本清酒酒吧，而呢度係東京Tokyo Midtown商場內的日本清酒專賣店，店內的一角設成作Sake Tasting品酒，是立飲形式，俾客人認真試飲店內所賣日本清酒、佐酒小食及以清酒製造材料食品，你可能會問，要買日本清酒，點解要俾錢試飲？當然免費試飲係有既，不過份量只是一小啖，呢度既Sake Tasting 係一大杯，品酒Menu有Seasonal Sake（ ¥,1,500）及Premium Sake（¥3,000）選擇，這裹日本清酒品酒特色，除份量夠，還會配及酒的特性配用合適的日本清酒酒杯，喜歡日本清酒既，品酒完，大多會買番幾樽日本清酒，加上日本本土買到既日本清酒真係唔貴。個人喜歡「福光屋（Fukumitsuya）SAKE SHOP」的藍色酒樽「加賀鳶」（藍）純米大吟醸（2,200円 720mL）。「福光屋日本清酒店」於東京站丸の内也有分店。「寿司寿 Sushi Toshi」奇怪體驗
離開「福光屋日本清酒店」，應該要食晚餐，想食壽司魚生，亦都想食得有要求，不過發現六本木Tokyo Midtown（東京ミッドタウン）內的餐廳都好貴，壽司魚生本來只有Omakase，「SUSHI TOKYO TEN」於日本東京新宿及涉谷原本是迴轉壽司，來到六本木Tokyo Midtown變身成高價Omakase料理餐廳，晚餐要¥7,000，由於沒有太多時間慢慢嘆Omakase，唯有離開Tokyo Midtown（東京ミッドタウン），到六本木市內跟住 Google Map 揾食，最後揾到間評價高，不過一入到店內有所懷疑的「寿司寿 Sushi Toshi」，因為門口旁賣珠寶手飾，雖然唔算唔好食，不過下次應該唔會再來，因為真係幾奇怪體驗。顧住買野．趕唔切飛機
之後到六本木Don Quijote買手信，然後趕回行李寄存櫃取回行李要前往機場，這時才發現六本木雖地理距離較接近東京羽田機場，但係原來可以前往機場的交通選擇較少，亦所以需時反而較由新宿前往機場需時還要耐，最近就算坐的士、再轉Tokyo Monorail（東京モノレール），趕到東京羽田機場日本「ANA全日空」check-in counter，新手空姐緊張向在場師姐求救後還是送來壞消息說太遲了無法登機，原因是行李唔夠時間運送上機，相信是海關保安原因而行李係需要跟乘客一齊上機，所以唔可以乘客走先，之後再接回行李，由於原本回程是日本「ANA全日空」航空公司零晨00:55am 航班，（本來朝早五點可以返到去），最後日本「ANA全日空」航空公司職員只能幫手轉成朝早八點多起飛、中午到達的回程航班，幸好買的機票等級可以免費轉時間，總算可以同日內返屋企，不過搞店手續後，問題係點樣等到朝早8點，要返回東京，幾個鐘後再返回機場，既花時間又花錢於交通，就算返到東京都未必揾到酒店沖個涼，加上過了午夜除了Uber經已無車返回東京，Airport Lounge 機場的貴賓休息室都關門，即刻掃手機揾機場酒店，發現即日係無法網上即訂酒店，因為技術設定無法顯示相關價格及向酒店通佈入住資料。東京羽田機場國內線第一客運大樓的「FIRST CABIN Haneda Terminal 1」capsule hotel 膠囊旅館（ファーストキャビン 羽田ターミナル1），雖然價格相宜，但即時是無法訂房，因為通常一早已訂滿，加上過了午夜經已無接駁巴士由國際航線機場前往國內航線機場，而國內航線機場午夜後係會關閉的。
被迫首次露宿於東京羽田空港機場
有嘗試於羽田空港国際線機場的Royal Park Hotel Tokyo Haneda（ザ ロイヤルパークホテル 東京羽田）問價，標準房間價位是超過¥30,000，實在貴得無法接受，最後只能被迫人生首次於機場露宿過夜，體驗東京羽田空港午夜後的狀況，都幾有趣的難得人生體驗。而坐朝早離開東京航班，天氣好時，建議㨂右邊窗口位（Window Seat）有機會見到富士山（Mount FUJI）。
About Caroline Loves Travel 貪玩辣車車
Caroline Mak 數碼創新、數碼營商策略及金融科技副總裁，亦是 BEYOND MUSIC 創辦人，兼任自由創作人：喜歡思考，更喜歡天馬行空、藝術創作、旅行、音樂、攝影 >> 貪玩辣車車 Caroline Loves Travel Facebook專頁 |
| Caroline Mak |
No comments:
Post a Comment