因應全球環保政策，零排放既電動車開始慢慢取代傳統石化燃料汽車，加上近期燃油價格上升，汽車燃油價格高企，入油油費實在好貴，電動車成為汽車界既熱門話題。
被稱為「現代Hyundai Ioniq 5 」既姊妹車韓國車廠全新「起亞KIA EV6 」 SUV （Sport Utility Vehicle）電動車終於在港登場，並準備於香港接受落訂排隊訂購，不過預計交車時間表係2023年尾，即係要等一年半，不算吸引！依家落訂排隊，到收車時，應該已唔再有驚喜，而且好大機會其他品牌又已有新款車推出，有更好既選擇。
根據錦龍 KIA 香港汽車代理Sales所講，網上優先認購的意向訂金HK$1,000並不代表等同落訂排隊，要完成付款HK$10,000所謂落大訂才開始排隊可以等收車，咁既話所謂既HK$1,000意向訂金真係幾無謂！既然市面有咁多純電動車選擇，諗唔明點解要俾錢只係留個Quota名額？！【即睇YouTube影片介紹．KIA EV6 純電動車】
以前自2015年起推出既「起亞KIA 」電動車都係只不過由傳統汽車改良而成，而全新「起亞KIA EV6 」係屬第一款「全電動型號」，用以母公司 Hyundai 電動汽車研製專用平台 E-GMP（Electric-Global Modular Platform）電動車底盤，電池組件平均分佈於車底，提升車廂空間，平衡車身前後重量。【即睇YouTube影片介紹．KIA EV6 純電動車】 車身造型及車廂佈局設計並由位於南韓南陽、德國法蘭克福及美國加州等地既設計團隊操刀。車身肌肉線條。車頭鬼面罩、LED 頭燈、行車燈，並配合一條式尾燈。【即睇YouTube影片介紹．KIA EV6 純電動車】 香港版起亞KIA EV6 純電動車標準設備包括雙12.3吋數碼儀表板連觸控屏幕、E-Shift旋鈕式波棍，以及360環迴鏡頭等，車廂駕駛艙只保留多媒體影音系統音量及車內溫度調整等少量實體按鍵。KIA EV6 純電動車車廂及儲物空間設計，後座椅背向前扳下，可以構成平整地台，方便放置大型行李。 前行李箱容量為20 - 52公升，適合收納細小物件，一般用作放置電動車充電線。【即睇YouTube影片介紹．KIA EV6 純電動車】
電動車要全面普及兩大問題包括充電及續航力。香港版「起亞KIA EV6 」電動車有三款型號：
🚘 ⭐️ 58kWh「細電」及 ⭐️ 77.4kWh「大電」單馬達後驅，同埋⭐️ 頂級版77.4kWh「大電」四驅，續航力約394km至528km（WLTP），與 Tesla Model Y Long Range 相若。【即睇YouTube影片介紹．KIA EV6 純電動車】
🚘 以77.4kWh「大電」鋰離子電池系統為例，若接駁家用插頭充電，要充滿電需時7小時20分鐘，而若接駁中速充電站（50kW），由10%充電至80%需時1小時30分鐘；想再快一點就要接駁「Ultra-Fast Charging」超高速充電站（350kW），由10%充電至80%只需18分鐘就可以完成。【即睇YouTube影片介紹．KIA EV6 純電動車】
「起亞KIA EV6 」車身尺寸，車高均為1,550mm，軸距均為2,900mm，後行李箱容量520-1,300公升：
⭐️ 標準及Deluxe 版，車長4,680mm，車寬1,880mm，前行李箱容量為52公升，19吋雙色輪圈（235／55R19）
⭐️ GT-Line 頂級版，車長4,695mm，車寬1,890mm，前行李箱容量為20公升，20吋雙色輪圈（255／45R20），Meridian音響系統與ASD引擎聲浪模擬系統
⭐️ 「起亞KIA EV6 」 電動車預計交車時間表：2023年尾
對電動車來說，安全設備配置系統應該逐漸變成基本，360 度全景泊車鏡頭、盲點防撞警示、盲點監控、前方碰撞預警系統等。
香港版起亞KIA EV6 「一換一」車價:
⭐️ EV6 標準版 58kWh「細電」鋰離子電池系統，226匹後輪驅動，: HK$348,800
⭐️ EV6 Deluxe 版 77.4kWh「大電」鋰離子電池系統，長續航距離版，226匹後輪驅動: HK$398,800
⭐️ EV6 GT-Line 頂級版 77.4kWh「大電」鋰離子電池系統，長續航距離版， 321匹 四輪驅動: HK$498,800
錦龍汽車為「起亞KIA」香港代理。保用期5 年 或 150,000km。【即睇YouTube影片介紹．KIA EV6 純電動車】
