「東龍島」啱晒初級行山新手 ‧ 亦啱野外露營
放假唔想留喺屋企，想衝出市區，要揾有靚海景又希望可以輕鬆行山路線，「東龍島」島嶼啱晒初級行山新手，亦啱想去野外露營既山系愛嗜者。前往東龍島方法
「東龍島」又叫作東龍洲，前往東龍島方法，港島區可以經由「西灣河碼頭」，坐梁記街渡（成人來回票價：$55）到東龍島新碼頭（較近露營營地），九龍區可以經由油塘站A2出口沿茶果嶺道步行約10分鐘路程距離的鯉魚門「三家村」，坐珊瑚海街渡（成人來回票價：$45）到東龍島南堂碼頭，「東龍島」街渡只於星期六、日及公眾假期提供服務，於碼頭出發前往東龍島需同時購買回程船票，並要留意街渡回程時間，預留時間返回碼頭等船。【即睇我既YouTube影片．自駕．行山．露營】鯉魚門「三家村」停車場泊車
這次屬我們首次到「東龍島」，我們駕車到三家村，把車泊在三家村碼頭旁的爛地停車場（星期六日泊$60，星期六日泊$80，停車場日泊只至旁晚六時，之後每小時36，比中環泊車還要搶錢）。原打算坐早上11:15am 珊瑚海街渡到「東龍島」，預早20分鐘去到三家村碼頭經已長長人龍，最後遲了半小時才成功上船。
遊東龍島攻略
到達「東龍島」，發現「東龍島」有點似荒島，東龍島島上沒有公厠，只有風味濃郁既流動厠所（緊急情況下才好使用），夏天還未到而蚊也真的多，雖然如此，島上有好多間士多，唔駛擔心無野食，由於牌照限制，街渡只能假日行駛前往「東龍島」，街渡基本上無限制登島人數，碼頭無論有幾多人都會加開班次全數運晒去「東龍島」，以至假日「東龍島」上非常多人，全條行山路線都係人。東龍島「假日士多」
我們到達「東龍島」於南堂碼頭落船後，先向左走，這路線比較輕鬆，經過「雞乸石」，大約步行15分鐘到達「假日士多」食餐蛋公仔麵加杯紅豆冰作brunch。東龍島「假日士多」是島上第一間的士多，除餐肉蛋腸仔公仔麵，韮菜餃、鮮菇餃和焉鴦水餃公仔麵也是人氣地道美食。之後步行到東龍島露營營地及海邊白色佛堂門燈塔，再到東龍洲炮台，走回南堂碼頭後向右走，沿樓梯向海邊路段，到香港法定古跡「東龍石刻」，便預早半小時返到南堂碼頭等5.30pm船返回「三家村」。
鯉魚門「三家村水產」日本菜
晚餐於鯉魚門「三家村水產（Sankason Suisan）」食日本菜。
About Caroline Loves Travel 貪玩辣車車
Caroline Mak 數碼創新、數碼營商策略及金融科技副總裁，亦是 BEYOND MUSIC 創辦人，兼任自由創作人：喜歡思考，更喜歡天馬行空、藝術創作、旅行、音樂、攝影 >> 貪玩辣車車 Caroline Loves Travel Facebook專頁 |
| Caroline Mak |
No comments:
Post a Comment