Caroline Loves Travel 貪玩辣車車: 【蘋果批 ‧ 挑戰蘋果派】全球烘焙蘋果批比拼 Apple Pie Challenge

Sunday, 2 August 2020

【蘋果批 ‧ 挑戰蘋果派】全球烘焙蘋果批比拼 Apple Pie Challenge

「全球抗疫」期間，當全城都「宅在家」，無必要都無得飛，所有旅遊計劃都要無限期延期，無得去旅行，好似無咗人生目標及生活動力，咁不如設定短期目標吧！可能跟好多人一樣，烘焙餡餅 pastry 西式甜品 Fruit Danish 當中，至愛首選必定係蘋果批餡餅 Apple Pie ，那就來個全球烘焙「蘋果批比拼 Apple Pie Challenge」，以獨立蘋果派鐵粉身份，誓要比較、比試、試晒、試均全世界角落唔同品牌、酒店餅店或小店出品、新鮮出爐既蘋果批餡餅，挑戰蘋果派 🍎。 #ApplePieChallenge

（注意：為有效控制流口水程度，想睇有關蘋果批🍎 比試圖片，請向下滑動版面 scroll down and view more...）

候選蘋果批 🍎 有出自人氣過江龍網絡爆紅蘋果批專門店，或地道招牌蘋果批小店：

本地精品咖啡店大埔「Kaffee house 家.啡」
香港文華東方酒店餅店 Mandarin Oriental Cake Shop Hong Kong
CitySuper 超市，源自於日本 Little Mermaid Bakery
日本人氣品牌 RAPL現烤吉士醬蘋果批
來自日本橫濱 Mille Mele Tokyo 蘋果批專門店
由來自瑞士前四季酒店餅房總廚Grégoire Michaud 創辦開設既灣仔 Bakehouse 牛角包 Croissant 麵包店
法國巴黎手工烘焙麵包牛角包專門店 Gontran Cherrier

大埔隱世精品咖啡店「Kaffee house 家.啡」，之前都有介紹過既本地咖啡小店（詳情按此），呢度除咗咖啡出名，服務有溫度，呢度都有落單即烤焗烘焙出爐既蘋果批，蘋果餡料適中，外層酥脆，加上即焗熱騰騰，味道好有水準，而且甜道適中唔太甜，有幸福滋味。 👍

大坑 Plumcot 法式麵包烘焙小店，一向給人個性獨特的感覺評語，年輕夫妻檔 Camille 和 Dominique都愛焗製法式麵包，出身自巴黎餅店 Pierre Herme，夫妻檔創業選址大坑這個小社區開設Plumcot烘焙麵包店。Plumcot的傳統法式牛角包出名外，法國人吃過都讚大坑Plumcot麵包店有家鄉 Patisserie 既味道，蘋果批一樣出色，形狀有別於一般蘋果批，外層酥鬆脆、層次分明有口感。 👍

由來自瑞士前四季酒店餅房總廚Grégoire Michaud 創辦開設既灣仔 Bakehouse 牛角包 Croissant 麵包店，經常大排長龍，一口氣掃咗Apple Danish（HK$30），Cinnamon Roll（HK$30），Raisin Apple Scone（HK$20），以及招牌Croissant 牛角包（HK$20）。甜度保留歐洲傳統程度，有點太甜。

來自法國巴黎手工烘焙麵包牛角包專門店 Gontran Cherrier，選址尖沙咀 K11 MUSEA 作為亞洲旗艦店，自助型式夾取所需麵包、牛角包、英式鬆餅等，而俾錢cashier就經常大排長龍，Gontran Cherrier既法式長麵包和招牌Croissant 牛角包（HK$24）最出名，不過其實這法國手工烘焙麵包店Gontran Cherrier也有法式Pain au Chocolate及Apple Turner 法式蘋果批（HK$34），Gontran Cherrier保留法式原汁原味做法的Apple Turner 法式蘋果批，蘋果粒餡料有口感，不過卻偏甜，間中食吓都唔差。

香港文華東方酒店餅店（Mandarin Oriental Cake Shop Hong Kong）出品既西式蛋糕、麵包及pastry一向高質，睇得又好食，我們都好鍾意食美式芝士蛋糕 New York Cheese Cake 之外，由酒店餅房每日限量新鮮焗製既Danish同樣令人一試就念念不忘，Apple Turnover 蘋果批餡餅值得推介，蘋果批每件$38。 👍

另外比較經常會買蘋果批Apple Pie回來當早餐既會係CitySuper 超級市場內，源自於日本 Little Mermaid Bakery，份量味道甜度都很適中，蘋果批每件$22。👍

香港中環置地廣場內的 L'Atelier de Joël Robuchon Hong Kong，出品既法式 Apple Turnover 蘋果批餡餅，值得推介 👍 。另外不得不提L'Atelier de Joël Robuchon既法式 Pear Tart 既吸睛又好口味。

西貢海傍街既 Cocolo Tokyo Cake Factory，用青森蘋果焗製蘋果批（HK$33），面層掃上蜜糖，口感好獨特而且鬆脆好味，一路食總有似曾相識既味道，好似有粒粒蘋果餡料既嘉頓麥芽酥餅。

由Maison Eric Kayser 創辦既法國手工麵包咖啡店 Eric Kayser，港九地區灣仔、尖沙咀、上環、西營盤等都有分店，作為法式Patisserie，同樣都有出爐蘋果批餡餅 Apple Turnover，由於運作形式似法式美心西餅店，所以法國Eric Kayser出品既Apple Turnover，味道質素屬合格。

北角匯（Harbour North）二期一田超市（Yata Supermarket）附近，都係來自日本的 boulangerie DONQ français（ドンク）Bakery 既Apple Danish 蘋果批餡餅好好食，係屬於會再食既級數，每件HK$17。

日本 RAPL 吉士醬蘋果批專門店，銅鑼灣Sogo崇光百貨地庫，RAPL 吉士醬蘋果批每件$42，144層厚既牛油酥皮用上北海道新鮮牛油製造，青蘋果果餡，蘋果批全於店中即焗出爐，之後注入新鮮手打吉士醬料，並會加掃一層糖漿於面。由於RAPL 吉士醬蘋果批於銅鑼灣Sogo崇光百貨的店，沒有堂食，就算係新鮮即場焗製出爐，買咗都係要自己揾地方食，而品嚐後感評語係唔太覺有驚喜，CP性價比低，一試無妨，但再試會有猶豫。👌

西營盤近高街既 Pantry Centrale，同樣有出爐 Apple Pie 及 Apple Strudel，味道質素同屬合格。

另一間日本人氣蘋果批專門店「GRANNY SMITH APPLE PIE and COFFEE」香港店，之前2019尾曾有鋪天蓋地既報導宣佈「GRANNY SMITH」蘋果批店會即將登陸尖沙咀K11 MUSEA，招牌蘋果批有Dutch Crumble、Classic Rum Raisin、French D'mandes、English Custard等，但最後不知是不是因為社會事件略置開鋪計劃，所以尖沙咀K11 MUSEA係揾唔到「GRANNY SMITH」蘋果批專門店。 💤

來自日本橫濱 Mille Mele Tokyo 蘋果批專門店，選址銅鑼灣Times Square商場後的霎東街，我們專程去到打算要試試由曾獲世界蛋糕大賽冠軍等多項國際大獎的意大利廚師Marco Polo Molinari研製既蘋果批，蘋果批每件$36，聞說蘋果批用上富士蘋果，加配以吉士醬及豆乳忌廉餡料，香港店除有招牌蘋果批，還有迷你版千層蘋果脆粒。當日走近Mille Mele Tokyo店內放著蘋果批玻璃櫃，看著瘦細得可鄰既招牌蘋果批，形容一下Mille Mele Tokyo蘋果批，實體比市面一般蘋果批細一半，看落去好似曾比人偷食過似的，而且蘋果批定價還要每件$36，最後我們決定要放棄試食完全無誠意既Mille Mele Tokyo蘋果批，係首間單憑目測已經可以認定唔想食既蘋果批，真正連相機食先、手機食先既衝動都無，絕對懷疑是否真正來自日本，還是特許經營方式引進吧了？👎

香港金鐘太古廣場Great Food Hall內的 Tai Tai Pie Pies，老闆Asher銅鑼灣都有開店店名「The Pie and Beer Shack by Tai Tai Pie Pies」，香港製造既經典 American pie 美國批唔算蘋果批，不過其實 Tai Tai Pie Pies也有出品正宗美國美式傳統口味蘋果批，不過（未試）。

大埔「華輝餐廳」蘋果批，由1981年開業至今，本地茶餐廳出品蘋果批，餡料取材美國富士蘋果，並加入提子乾及檸檬汁。（未試）

注意：「蘋果批比拼 Apple Pie Challenge」這文章不斷更新中.....