Caroline Loves Travel 貪玩辣車車: 【香港 ‧ 自駕遊好去處】西九文化區戶外草地野餐 West Kowloon Cultural District

Saturday, 1 August 2020

【香港 ‧ 自駕遊好去處】西九文化區戶外草地野餐 West Kowloon Cultural District

「抗疫疲勞」之下，襯住放假，決定要過海遠征九龍，而全因天真地被IG既打卡照及網上既官方照片打造既幻象下，首次前往「西九文化區 West Kowloon Cultural District」。

「西九文化區」位於香港西九龍尖沙咀填海區海邊，有條好受跑手歡迎有2公里長既海濱長廊。能遠望維港靚景，非常適合戶外草地野餐 outdoor picnic。【即睇我既YouTube影片．自駕．行山．露營．旅遊】

交通方面，除咗綠VAN，未有公共交通配套。揸車自駕前往「西九文化區」，最近既泊車位置係「西九文化區」藝術公園（E區）停車場，跟一般商場泊車優惠相似，於藝術公園指定商戶或餐廳以電子支付消費所需金額，可以免費泊車1至2小時優惠，視乎係平日、還是周末假期，要注意既係停車場離任何活動設施、粵劇戲曲中心（Xiqu Centre）、M+劇院劇場、黑盒劇場、博物館、演藝場館及餐廳都要10數分鐘步行腳程，而且路線由步出停車場開始係全戶外全露天的，再者日光下行都會迷路。

這次黃昏來到「西九文化區」，天氣不似如期，準備打3號風球颱風既天黑黑天色來到，我們認為定點室內活動比較適當，所以就一心計劃到海邊海濱長廊既藝術公園餐廳「唞唞 Rest Coffee Gin」打算要試試睇相睇落幾靚既 Gin Cocktail。

由於新型冠狀病毒COVID-19抗疫期間限聚令Social Distancing防疫抗疫措施，好多Cafe餐廳為咗控制人數，為免客人來到至發現無位，都會安排訂枱服務，所以我們出發前往「西九文化區」前，就先打電話去「唞唞 Rest Coffee Gin」餐廳查詢訂枱安排，職員告知只有Walk-in，這已令人感到疑惑。相信可能係平日關係，再加上居家抗疫及落住雨既天氣，去到西九文化區藝術公園內的「唞唞 Rest Coffee Gin」餐廳真係無乜人，職員說晚上6點前既時段只有咖啡或茶，職員好似AI機器讀出背好既咖啡及茶既選擇，沒有進一步多給點人性化或個人化既推介，想問多點都只係好似按了Replay重播制再聽多次由真人讀出已設定好的餐單選擇讀稿，而由於一心前來想試Gin，天都快要黑了，無理由仲要飲咖啡提神，唯有先點杯要HK$60既Coffee Tonic，半罐Tonic Water份量，加一個Shot咖啡，老實說完全無驚喜，感覺可以簡單喺屋企用Nespresso加Tonic沖調到一樣效果跟味道，到時更可以把份量CP值合理地提升點點。另外更有趣既係，於櫃枱落單時，店員會提供嘔吐紙袋，這紙袋並不是原作為嘔吐用，係店員要求客人要將所有垃圾自己帶走、並要自己揾方法棄置，這個不能不說真的很有環保或是抗疫理念既「服務質素」 👎！不要忘記杯咖啡既定價喎！

接近6點，因為這段疫情期間政府既晚上6時後晚市禁堂食防疫抗疫措施，「唞唞 Rest Coffee Gin」餐廳職員要清場，我們被告知如想試既GIN只能外賣到「西九文化區」藝術公園內石凳，流浪般落住雨下咁飲咗杯HK$78-HK$88既膠杯Cocktail（外賣關係，這個已係特價後價錢）。大環境下絕對明白及理解有些事情開門做生意既餐廳可能控制不了，不過有些細微地方餐廳老闆職員如果可以站在客人角度輕輕做多少少，體會可以好不一樣，亦絕對影响有沒有再要來第二次既決定。既然沒有預期般可以於店內慢慢食D野嘆杯Gin，咁既然專程來到不如今次跟住玩法先外賣試Gin Cocktail，下次可以坐底堂食時才再試埋其他食物，不過因為要消費一定金額才可享泊車優惠，然而店員得悉後完全沒有嘗試幫手協助，查詢方案所得回覆都係「唔得！」或者「無！」😠 。最後被迫要點幾個外賣食物，而當要求提供紙袋方便提取食物，出面戶外落住雨耶，回覆都係一致既「無！」，最後唯有好似玩雜技般拿住一盒盒食物，還要拿雨傘。這次我們於西九文化區餐廳「唞唞 Rest Coffee Gin」人均消費接近HK$300（consumption per person），經歷體驗可以說茶餐廳、大排檔都還要比這餐廳好，會唔會想再來？「唔會！伏一次就夠！」，然後發現網上對這餐廳既評語，原來我們的這次體驗並不是唯一！【即睇我既YouTube影片．自駕．行山．露營．旅遊】