Caroline Loves Travel 貪玩辣車車: 【香港 ‧ 自駕旅遊】西貢清水灣半島釣魚翁望住海景去行山、布袋澳食海鮮盛宴

Saturday, 30 November 2019

【香港 ‧ 自駕旅遊】西貢清水灣半島釣魚翁望住海景去行山、布袋澳食海鮮盛宴

11月最後既一日，咁啱亦係星期六，天氣又係藍天白雲，平時長坐Office既我倆當然又要跟大自然零距離咁樣去放電，目的地為西貢清水灣半島釣魚翁（High Junk Peak），行動口號：「減肚腩、減pat pat」。

港島揸車經紅隧及將軍澳隧道，前往清水灣大坳門

今次行動難度唔算高，跟平時返工時間一樣起身就得。10時左右就由港島揸車出發，經紅磡海底隧道，經觀塘及將軍澳隧道前往清水灣大坳門停車場（Tai Au Mun），亦即清水灣第二灘。~~雖然紅隧重開，但未有番電子收費，所以要記得準備好現金。~~

一小時成功釣魚翁登頂打卡

一般人去位於西貢清水灣半島、海拔344米的釣魚翁（High Junk Peak），路線都係由五塊田（Ng Fai Tin）或從相思灣路對開的清水灣道作為起點上山，而我倆朝早11點左右到達清水灣大坳門，於停車場泊好車，去埋厠所，就跟住Google Map步行去Radio Control Glider Spot，即布袋澳方向，有涼亭既地方，就係我地今次要登上釣魚翁的起點，起初登山路段以石級為主，因應體力慢慢上山，省卻全長6.4公里的釣魚翁郊遊徑，沒有經五塊田廟仔墩、上洋山及田下山路段，直接登上釣魚翁，不過其實這登山路段大部份都係石級路，都幾花體力，不過望住360度無敵海景行山，都真係幾靚，一小時左右時間便成功於釣魚翁登頂打卡。【即睇我既YouTube影片．自駕．行山．露營】

我倆以原路作回程，下一站布袋澳（Po Toi O），花了2.5小時腳力，是時候食午餐，好想食海鮮，理所當然到布袋澳食海鮮。

布袋澳食海鮮

步行前往布袋澳漁村「發記海鮮（Fat Kee Seafood Restaurant）」，倆個人點了聖子、蝦、蜆及芥蘭菜，海鮮午餐連糖水花費HK$620，而我們都認為豉椒炒蜆唔好食，其他的都可以接受，糖水由根記每碗HK$12提供。

於布袋澳漁村食完海鮮，便到漁村村口坐綠色專線小巴回到清水灣二灘大坳門停車場，無乜坐綠Van既我地，上車用八達通俾錢坐底之後才發現原來綠色小巴係可以分段收費既，原本每位只需HK$5.7的分段計車費，最後每位付了全程HK$9.6的車費，哎唷！多付了車錢耶！【即睇我既YouTube影片．自駕．行山．露營】

香港 ‧ 自駕遊好去處：