西貢鹽田梓前往方法
11月既第4個星期六，天氣好到無藉口再留喺室內，朝早10點由港島揸車出發，經東區海底隧道（Eastern Harbour Crossing, Toll: HK$25）及將軍澳隧道（Tseung Kwan O Tunnel, Toll: HK$3）入西貢，泊好車，便步行前往西貢碼頭（Sai Kung Pier），我倆預先無乜做任何功課，而其實都真係無乜準備需要做，去到西貢碼頭 ，正正入口位既「肥婆船務」就有船飛買（HK$50 來回船票），11點多離開西貢，「肥婆船」駛向西貢鹽田梓，15分鐘就到達鹽田梓碼頭。尾班船為下午為5點。【即睇我既YouTube影片．自駕．行山．露營】鹽田梓「聖若瑟小堂」教堂
於西貢鹽田梓碼頭上岸後，先到島上的鹽田參觀，不過我們只透過展覽牌自行了解製鹽過程，卻無參加導賞，然後便到「聖若瑟小堂」參觀，鹽田梓全村村民均信奉天主教，所以島上建有這間「聖若瑟小堂」教堂，教堂曾於2005年曾獲聯合國教科文組織「亞太區文化遺產」優異獎，「聖若瑟小堂」教堂內既兩隻圓形彩繪玻璃窗，一隻向東一隻向西，可以整天自然採光，極度有環保概念，而彩繪玻璃窗上的聖若瑟神父係穿著住唐裝服飾，中西合壁。鹽田梓「鄉誼茶座」古法炭燒土窑雞
離開「聖若瑟小堂」教堂經已接近中午12點，喺無食早餐情況下，便先到鹽田梓「鄉誼茶座」嘆古法柴火土窑雞（Woodfired Roasted Chicken），我哋好好彩喺無預訂情況下都食到呢道鹽田梓必食「炭燒土窑雞」，加多碟地道有機菜，健康又夠補充體力，為零難度鹽田梓輕鬆行山遊島作好準備。鹽田梓「澄波學校」
沿住「聖若瑟小堂」，再向前行便是「澄波學校」，亦曾是島上居民細路讀書既學校，不過依家經已改成「鹽田仔文化資源展覽室」。「滘西洲哥爾夫球場」
之後再沿住小路行，可以環島遊，然後再經鹽田及紅樹林回到鹽田梓碼頭。小路會先經過「活泉井」，然後再上全島最高處既雙子亭涼亭，可遠望「賽馬會滘西洲公眾高爾夫球場（Jockey Club Kau Sai Chau Public Golf Course）」。「玉帶橋」絕對係鹽田梓公認既必到影相打卡位
然後再步行到連結滘西洲既「玉帶橋」，而站在「玉帶橋」上望到既景色好靚，絕對係鹽田梓公認既必到影相打卡位。沿路行返到鹽田梓鹽田及紅樹林，再到鹽田梓碼頭附近食碗豆腐花，不過豆腐花無豆味，而我們亦無食鹽田梓自家造嘅客家茶果。
最後，便坐下午2點既「肥婆船」返西貢，回程船係快船，唔駛5分鐘就返到西貢碼頭，所以絕對到要做好心理及相關有可能暈船浪既準備。
其實西貢及鹽田梓都有獨木舟租借，下次必定要試試西貢鹽田梓新玩法，以獨木舟來個環島遊。【即睇我既YouTube影片．自駕．行山．露營】
香港 ‧ 自駕遊好去處：
- 上水馬草壟警崗 ‧ 古洞「羅太豆花」豆腐花
- 元朗白泥生態保育農莊 「車中泊」汽車露營
- 大嶼山「欣澳」汽車露營及戶外野餐
- 上白泥 ‧ 下白泥「天空之鏡」睇日落打卡熱點
- 大帽山嘆茶必到川龍端記茶樓
- 大嶼山自駕遊 x 揸車遊大澳
- 粉嶺沙頭角鹿頸 ‧ 嘆英式早餐
- 大帽山郊野公園
- 九龍飛鵝山
- 元朗農場鮮奶有限公司
- 錦田壁畫村 ‧ 元朗「天空之城」戶外露天餐廳
- 大埔大美督 Tai Mei Tuk
- 香港國際機場維修區長堤
香港 ‧ 行山路線攻略：
About Caroline Loves Travel 貪玩辣車車
Caroline Mak 數碼創新、數碼營商及金融科技副總裁，BEYOND MUSIC 創辦人，兼任自由創作人，喜歡思考，更喜歡天馬行空藝術創作、音樂、攝影及旅行 >> 貪玩辣車車 Caroline Loves Travel Facebook專頁 |
| Caroline Mak. IG: carolinelovestravel_ |
No comments:
Post a Comment