名古屋茶餐廳「酒津屋」食早餐
離開Airbnb，先步行到名古屋栄駅（Sakae）食早餐，揾咗間日本名古屋當地既茶餐廳「酒津屋」，呢度有早餐、常餐及午餐，名古屋當地人呢個時候已經飲住酒吹水或獨自放空發呆。不過這間名古屋地道茶餐廳，絕對只是旅遊體驗，店員知道我倆唔太識日文，好有耐性幫我們㨂想食既落單，而呢度既早餐、常餐及午餐都可以配啤酒或Highball，不過食物未算好食。而且餐廳並不是禁煙，所以如果好似我哋兩個都唔食煙既，就被迫食二手煙。名古屋必遊景點「熱田神宮 Atsuta Jingu」
食完我哋既brunch，就由名古屋栄駅（Sakae）坐地下鐵前往名古屋必遊景點「熱田神宮 Atsuta Jingu」，名古屋當地人好友善，車站既日本工作人員就算英文未夠好，都會盡心出力幫助提供好幫得手既路線指示。日本「七五三祭 しちごさん Shichi-Go-San」
到達名古屋「熱田神宮あつたじんぐう Atsuta Jingu」，步行入神社，而「熱田神宮」是日本重要的神宮，深受名古屋當地居民愛戴，遊覽名古屋「熱田神宮」呢日係11月11日， 正遇上當地「七五三祭 しちごさん Shichi-Go-San」, 係日本獨特習俗，日本家庭新生兒出生後的30至100天到神社參拜保護神，到了男女童的三歲、男孩的五歲及女孩的七歲於每年農曆11月15日，全家會穿著傳統服飾（而近年父母開始穿西服），而小朋友穿上和服盛裝打扮，一起再到神社參拜，感謝神祇保佑之恩，並祈祝小朋友健康平安成長，有適齡男孩的家庭屋企還會掛鯉魚旗（こいのぼり），日本家庭會買小朋友符合歲數似麥芽糖是紅白色的「千歲飴」糖果，有長壽之意。不過，呢日去到名古屋「熱田神宮」無耐就落起大雨，我地唯有留在神社內等，而呢個「七五三祭 しちごさん Shichi-Go-San」亦令我們等雨停既時間無咁無聊。
「手打ちそば 天ぷら 那央人」手打蕎麦麵
都唔記得喺「熱田神宮」內等咗有幾耐雨終於停落黎，離開「熱田神宮」，諗住去坐地鐵去名古屋城（Nagoya Castle），又無意間路過「手打ちそば 天ぷら 那央人」手打蕎麦麵，即時查過Google Map評分唔差，而且時間上下午一點多都應該吃午餐，就坐低食碗日本正宗手打蕎麦麵，小店即煮既蕎麦麵完全感受到當中既認真製作，連碗碟都每隻獨特圖案，而筷子什至係俾客人自選喜歡既顏色圖案，味覺以外，視覺也睇得開心。所以我地兩個無去到食杜如風《關西攻略2》節目推介既「あつた蓬莱軒」炭燒鰻魚飯三食。無乜野睇既名古屋城（Nagoya Castle）
離開神宮前駅，步行往伝馬町駅，打算坐地鐵到市役所駅，前往名古屋城（Nagoya Castle）。而名古屋城真係有多餘時間才好去，無得入去參觀，只係睇復製既室內牆畫，真係無乜野睇，亦無乜野影，反而離名古屋2小時多火車車程的松本市必去景點「松本城 Matsumoto Castle」 更值得去。「三越 MITSUKOSHI」超市買化妝品日本酒
離開名古屋城（Nagoya Castle），我們選擇步行返回名古屋栄駅（Sakae），先到名古屋栄「三越 MITSUKOSHI」買RMK化妝品，以及「三越 MITSUKOSHI」低層超級市場買日本酒（Sake）。Google Map評分唔低的「鮨処松本」壽司店
接著就步行去「鮨屋とんぼ Sushiya Tonbo 寿し屋」，打算食3日前一到埗便打算專程要去食既壽司小店，誰知去到才晚上7點，店員已道歉說無位，就算我們說第二天便要離開名古屋都無辦法，即時間在Google Map揾到附近另一間評分唔低的「鮨処松本」壽司店，同樣屬小店，一入內還以為只有omakase，店內只有另一對客人，女客人好熱心地用英文、日文幫我們做翻譯，原來壽司可以單點的，整體來講係有水準有質素的壽司店，不過相對「鮨屋とんぼ Sushiya Tonbo 寿し屋」，價錢比較貴。我們決定第二日即係呢次名古屋5日4夜行程最後一日要專程再去「鮨屋とんぼ Sushiya Tonbo 寿し屋」食午餐，誓要食到為止。名古屋「葵 AOI」住宅區Airbnb住宿
食完壽司晚餐，就行返去名古屋「葵 AOI」住宅區Airbnb住宿，回去前於7-11買第二天朝早的咖啡及yogurt，由於太早返Airbnb住宿，無聊下又落街去埋Family Mart逛過後，才肯返Airbnb住宿收拾行李。
About Caroline Loves Travel 貪玩辣車車
Caroline Mak 數碼創新、數碼營商及金融科技副總裁，BEYOND MUSIC 創辦人，兼任自由創作人，喜歡思考，更喜歡天馬行空藝術創作、音樂、攝影及旅行 >> 貪玩辣車車 Caroline Loves Travel Facebook專頁 |
| Caroline Mak |
No comments:
Post a Comment