Caroline Loves Travel 貪玩辣車車: 【香港 ‧ 自駕遊好去處】大嶼山梅窩 ‧ 貝澳 Lantau Island Mui Wo & Pui O

Saturday 15 August 2020

【香港 ‧ 自駕遊好去處】大嶼山梅窩 ‧ 貝澳 Lantau Island Mui Wo & Pui O

雖然 Staycation 這個從商業角度思考既慨念係幾唔錯，只不過香港一個咁細既地方，實情半個鐘至一個鐘既車程就可以返到屋企，如果要洗至少成千至幾千銀住晚酒店，食吓酒店餐廳美食，又或者幻想喺酒店泳池游吓水享受一吓，然後發現酒店泳池人多既程度跟公衆泳池沒多大分別，咁不如上網揾吓資料，其實香港有好多戶外最接近大自然既地點係好值得去體會。這次揸車出走，天氣好靚，鎖定目的地係大嶼山梅窩（Mui Wo）及貝澳（Pui O）。

要注意既係如果要揸車自駕遊大嶼山南，當中包括貝澳及梅窩，私家車車主係要預先透過香港政府運輸署「南大嶼山自駕遊」通行證計劃 (Driving on Lantau Island Scheme) 網上申請「封閉道路通行許可證」（禁區紙），若未持有有效禁區紙進入南大嶼山禁區，一經發現會獲發定額通知書，抄牌「牛肉乾」，罰款港幣HK$320，而行程中亦沿途都見警車巡視。有關「南大嶼山自駕遊」通行證計劃詳情，可以睇番之前「大嶼山自駕遊 x 揸車遊大澳 Hong Kong Tai O Fishing Village」文章。

由港島揸車出發，經青衣向香港國際機場方向，青馬大橋私家車輛收費單程HK$15，進入東涌市中心，再由東涌道駛入嶼南道路，路段多急彎兼斜而窄，上山路、下坡段以及急彎多，極考驗駕駛技術，切勿超速，出發前最好確保汽車運作良好，以及入滿油。【即睇我既YouTube影片．自駕．行山．露營】

由東涌道轉入嶼南道，經過長沙（Cheung Sha）望向既海灣好吸睛。

接著先到貝澳（Pui O），貝澳由老圍、新村、羅屋和鹹田等幾條村落所組成，揾車位泊車，杯澳公立學校（Bui O Public School）旁有免費露天公衆停車場（Pui O Public Car Park）。泊好車，可步行前往貝澳泳灘（Pui O Beach），亦可以到Treasure Island Group租用水上活動如獨木舟kayak。

大嶼山南岸既貝澳泳灘望向貝澳灣海灣，貝澳泳灘旁係貝澳營地（Pui O Camp Site），由康樂及文化事務署管理，設有免費公眾營地及燒烤爐。

另外貝澳Garden Plus入內設有「貝澳露營車會JK Club」，網上資料如要於貝澳既露營車（即外國好普遍既Caravan）住一晚，費用好似要接近三千元，跟住五六星級酒店收費差唔多。

然後再沿嶼南道行，便可到達大嶼山梅窩（Mui Wo），梅窩碼頭附近有免費露天公衆停車場（Mui Wo Pier Car Park）。梅窩渡輪碼頭（Mui Wo Ferry Pier）有船可到中環（Central）。由梅窩碼頭可步行到銀礦灣泳灘（Silvermine Bay Beach）。

回程揸車經8號公路，即汲水門大橋（Kap Shui Mun Bridge）、青馬大橋（Tsing Ma Bridge）及昂船洲大橋（Stonecutters Bridge），經尖沙咀Tsim Sha Tsui及海底隧道揸車返回港島。

由於「南大嶼山自駕遊」通行證要預先申請，而且只限平日，每日只有25限額，如果趕唔切申請，又或者打算周末假日自駕揸車前往大嶼山梅窩、貝澳，可以泊車於東涌東薈城或逸東邨，東涌東薈城（Citygate）停車場泊車優恵，電子支付消費所需金額，最長可以免費泊車4小時，東涌東薈城南停車場泊車每小時HK$16，而逸東邨停車場有日泊，然後乘坐3M巴士都可到大嶼山既梅窩及貝澳。

香港 ‧ 自駕遊好去處：